Erlent

Í­hugar al­var­lega við­ræðuslit um kjarna­af­vopnun

​Kim Jong-un, leið­togi Norður-Kóreu, í­hugar nú af mikilli al­vöru að slíta við­ræðum við Donald Trump Banda­ríkja­for­seta um kjarna­af­vopnun á Kóreu­skaga. Þetta sagði vara­utan­ríkis­ráð­herra Norður-Kóreu, Choe Son-hui, í dag.

Traust þeirra Donald Trump og Kim Jong-un er enn sagt mikið í garð hvers annars en sá síðarnefndi er sagður íhuga viðræðuslit um kjarnaafvopnun síns ríkis. Nordicphotos/AFP

Kim Jong-un, leið­togi Norður-Kóreu, í­hugar nú af mikilli al­vöru að slíta við­ræðum við Donald Trump Banda­ríkja­for­seta um kjarna­af­vopnun á Kóreu­skaga. Þetta sagði vara­utan­ríkis­ráð­herra Norður-Kóreu, Choe Son-hui, í dag. 

Upp úr slitnaði í við­ræðum leið­toganna þegar þeir komu saman snemma mánaðar í höfuð­borginni Hanoi í Víet­nam. Til­tók hún reyndar að sam­band Trumps og Kim væri enn gott og að þeir bæru enn virðingu fyrir hver öðrum. 

Kim er sagður munu til­kynna von bráðar hvort Norður-Kórea hyggi á­fram á kjarn­orku- og eld­flauga­til­raunir. Son-hui dá­samar Trump en þykir greini­lega ekki mikið til utan­ríkis­ráð­herrans Mike Pompeo og þjóðar­öryggis­ráð­gjafans John Bol­ton koma. 

Hún segir þá hafa búið til „and­rúms­loft sem ein­kenndist af fjand­skap og tor­tryggni“ á fundinum í Hanoi.

Um var að ræða annan fund þeirra Kim og Trumps. Þeir komu saman í Singa­púr síðasta sumar á sögu­legum fundi og til­kynntu þeir að honum loknum um kjarna­af­vopnun á Kóreu­skaga. 

Enn hefur ekki verið út­listað með skýrum hætti í hvaða skrefum hún fer fram og þá hafa þeir tekist á um hvernig sam­bandi ríkjanna skuli hagað á meðan. 

Að fundi loknum í Hanoi sögðu full­trúar Norður-Kóreu að þeir hafi krafist þess að við­skipta­þvingunum gagn­vart þeim yrði af­létt að hluta til. Trump sagði þá hins vegar hafa krafist að þvingununum yrði af­létt að fullu og slíkt kæmi ekki til greina.

Athugasemdir

Auglýsing
Auglýsing

Tengdar fréttir

Erlent

Rann­saka fram­leiðslu­ferli Boeing 737 MAX vélanna

Erlent

Á­rásar­maðurinn í Utrecht hand­tekinn

Erlent

My­space glataði öllum gögnum frá því fyrir 2016

Auglýsing

Nýjast

Tveir inn­lyksa á Hrafns­eyrar­heiði vegna snjó­flóða

Drengirnir í Grindavík fundnir

Þór­hildur Sunna: Tæta í sig MDE til „verndar hégóma Sig­ríðar“

Þingveislu frestað vegna verkfalla

Orrustuþotur sendar gegn sprengiflugvélum við Ísland

Bergið komið með hús­næði þremur árum eftir andlát Bergs

Auglýsing