Sjónvarpsauglýsing bresku verslunarkeðjunnar Iceland hefur verið bönnuð í Bretlandi vegna þess að hún þykir of pólitísk. 

Keðjan gerði auglýsinguna í samráði við náttúruverndarsamtökin Greenpeace og er þetta liður í því að kynna ákvörðu fyrirtækisins um að hætta að selja pálmaolíu.

Í umræddri auglýsingu, sem er stuttmynd, er umfjöllunarefnið hlutskipti órangútans en apategundin er í bráðri útrýmingarhættu vegna eyðinga regnskóga og ásókn í pálmaolíu. 

Breska fjölmiðlanefndin Clearcast sem sér um að samþykkja auglýsingar til birtingar í Bretlandi hafnaði auglýsingunni hins vegar á þeim forsendum að auglýsing bryti gegn ákvæðum í reglum sem kveða á um að auglýsingar skuli ekki gegna pólitísku hlutverki eða vera framleiddar af samtökum í pólitískum tilgangi.

Stofnandi Iceland, Malcolm Walker lýsir yfir miklum vonbrigðu með ákvörðun nefndarinnar í samtali við The Guardian

„Þetta var mynd gerð af Greenpeace og skartaði rödd Emmu Thompson. Við fengum leyfi til að nota hana og taka merki Greenpeace samtakanna af myndefninu. Þetta hefði toppað auglýsingu John Lewis keðjunnar, þetta var svo tilfinningaríkt.“

Sjá má umrædda auglýsingu hér að neðan.