Slökkviliðið á höfuðborgarsvæðinu var kallað út í gær vegna vatnsleka en þá hafði fjölskylda komið að íbúð sinni á floti eftir að hafa verið í fríi erlendis.
Í skeyti sem slökkviliðið birti á Facebook-síðu sinni kemur fram að krani hafi gefið sig með þessum afleiðingum. „Ekki skemmtileg heimkoma þar,“ segir slökkviliðið.
Slökkvilið fór í þrjú útköll í gær og 87 útköll á sjúkrabíla sem telst nokkuð mikið. „Við værum alveg til í að sjá þessa tölu lægri, miðað við að þetta var hvíldardagurinn! sunnudagur.“
