For­eldrar og aðrir í­búar í Laugar­dal eru lang­þreyttir á manni sem sýnt hefur af sér miður geðs­lega hegðun í hverfinu undan­farin misseri. Maðurinn beraði kyn­færi sín fyrir framan stúlkur sem voru á æfingu í Laugar­dal í gær­kvöldi.

Í dag­bók lög­reglu í morgun er þess getið að „til­kynnt hafi verið um af­brigði­lega hegðun“ í hverfi 105 í gær­kvöldi og málið hafi verið af­greitt á vett­vangi.

Í í­búa­hópi Laugar­nes­hverfis á Face­book segir kona frá því að dóttir hennar, á­samt öðrum stúlkum, sem voru við æfingar í Laugar­dalnum hafi lent í manninum.

„Hann á­reitti þær og sýndi kyn­færin sín. Hann var auð­vitað farinn þegar lög­reglan kom a svæðið en ég gaf skýrslu og mun kæra þetta. Vildi bara láta vita svo þið getið brýnt fyrir ykkar börnum að bregðast rétt við eins og stelpurnar gerðu og ekki tala við hann og láta full­orðna strax vita,“ segir móðirin.

Talið er að þetta sé sami maður og lög­regla hafði af­skipti af tvö kvöld í röð í fyrra­haust og nokkrum sinnum þar áður. Greip í­þrótta­fé­lagið Þróttur til þess ráðs að loka öllum nema einum að­gangi að gervi­gras­velli sínum til að reyna að koma í veg fyrir á­reiti mannsins gagn­vart börnum.

Ef marka má um­ræður í Face­book-hópnum eru for­eldrar og aðrir í­búar búnir að fá nóg.

„Hvernig er ekki hægt að stoppa þennan mann?,“ spyr til dæmis einn íbúi en lög­regla virðist vera ráða­laus vegna málsins. „Held að það sé lítið hægt að gera annað en brýna fyrir börnunum að tala alls ekki við hann,“ segir annar íbúi.