Þor­björg Sig­ríður Gunn­laugs­dóttir, þing­maður Við­reisnar, ræddi um fæðingar­tíðni ís­lenskra kvenna á Al­þingi í dag en hún hefur aldrei verið lægri. Fæðingar­tíðnin hefur dregist saman um sem nemur að meðal­tali hálfu barni á að­eins tíu árum.

„Þetta reyndar staðan á Norður­löndum og um alla Evrópu. Fram til ársins 2010 var fæðingar­tíðni ís­lenskra kvenna sú hæsta í Evrópu en nú erum í sjötta sæti. Þegar við vorum á toppnum var meðal­talið 2,2 börn á hverja konu,“ sagði Þor­björg.

„Í ný­ársá­varpi árið 2020 bar Erna Sól­berg, for­sætis­ráð­herra Noregs, lands­menn, um að eignast fleiri börn. Hún sagði að hún þyrfti senni­lega ekki að út­skýra hvernig þetta sé gert og ætlaði hún ekki að gefa beina skipanir en henni var al­vara um að Norð­mönnum fjölgar ekki nægi­lega. Hvert er á­hyggju­efni hennar? Jú, vel­ferðar­sam­fé­lagið, það stendur ekki undir sér ef fólk hættir eignast börn,“ sagði Þor­björg og bætti við að aldurspíra­mídi sem er á hvolfi getur ekki staðið undir vel­ferðinni.

„Kapps­mál stjórn­valda á þess vegna að vera að stuðla að frekari barn­eignum og þess vegna er það bein­línis í hag okkar að reka fjöl­skyldu­væna pólitík. Við þurfum nefni­lega fleiri vinnandi hendur til lengri tíma litið og fleiri lítil börn munu til lengri tíma lítið bein­línis bæta lífs­kjör okkar allra,“ sagði Þor­björg.

„Við eigum þess vegna að hvetja frjó­semis­gyðjuna til dáða og hvetja hana til að leggjast undir feld. Um þetta ætti lands­menn að hugsa núna þegar þeir ferðast innan­húss og innan­lands í sumar að gleymast þá ekki ferðast kannski bara dá­lítið svefn­her­berginu.“

Þorbjörg tók jafn­framt fram að ömmum okkar og öfum tókst að fjölga sér um 200.000 á tíu árum.

„Með þetta í huga og það í huga að verja vel­ferðina og efna­haginn ættum við líka að hlusta á Ernu fyrir land og þjóð og fyrir ríkis­kassann,“ sagði Þor­björg að lokum