Hvassri suðvestanátt er spáð í dag víða um landið, 13 til 18 metrar á sekúndu. Skúrir eða él, en síst Norðausturlands. Rigning eða slydda í flestum landshlutum um tíma upádep úr hgi og er hitinn á bilinu 0 til 5 stig.

„Gengur í suðvestan 18-25 metrar á sekúndu á morgun og hvassast á norðvestanverðu landinu. Él og hiti í kringum frostmark, en úrkomulítið á Austurlandi.

Á fimmtudag er útlit fyrir áframhaldandi útsynning og éljagang, en það fer heldur að lægja síðdegis,“ segir í hugleiðingum veðurfræðing Veðurstofu Íslands.

Veðurhorfur á landinu næstu daga

Á miðvikudag:

Gengur í suðvestan 15-23 m/s, hvassast NV-til. Víða él, en úrkomulítið á A-landi. Hiti kringum frostmark.

Á fimmtudag:

Vestan og suðvestan 13-20 og él, en yfirleitt þurrt A-lands. Dregur úr vindi seinnipartinn. Frost 0 til 5 stig.

Á föstudag:

Suðlæg eða breytileg átt og fer að snjóa, en rigning um tíma á S-verðu landinu. Hiti í kringum frostmark.

Á laugardag:

Suðvestanátt og dálítil él, en bjartviðri A-til. Frost 0 til 7 stig.

Hvessir um kvöldið með rigningu eða snjókomu um landið V-vert.

Á sunnudag:

Vestlæg átt og víða dálítil úrkoma. Frost 0 til 7 stig, en hiti 0 til 5 stig S-lands.

Á mánudag:

Sunnanátt með lítilsháttar vætu S- og V-lands, hlýnandi veður.