Dómsmál

Hús Fjallsins á nauðungaruppboð

Hafþór Júlíus Björnsson. Fréttablaðið/Valli

Hús Hafþórs Júlíusar Björnssonar verður boðið upp á nauðungaruppboði að kröfu fyrrverandi sambýliskonu hans.

Þar sem Hafþór vildi hvorki kaupa hlut konunnar í húsinu né ganga til samninga við hana, eftir að sambúð þeirra lauk í fyrra, óskaði hún eftir nauðungarsölu á húsinu til að ná fram slitum á óskiptri sameign þeirra. Hún á 20 prósenta hlut í húsinu á móti 80 prósentum Hafþórs.

Í beiðninni kemur fram að eignin hafi verið metin og hlutur konunnar nemi 6,7 milljónum króna að teknu tilliti til áhvílandi skulda. Sýslumaður féllst á beiðni sambýliskonunnar gegn mótmælum Hafþórs sem hafnaði því að hafa neitað að kaupa konuna út. Hún þyrfti hins vegar að sýna að hún hefði með fjárframlögum eða öðrum hætti eignast hlut í fasteigninni. Sýslumaður féllst ekki á þessi sjónarmið.

Hafþór leitaði til Héraðsdóms Reykjaness til að fá ákvörðun sýslumanns hnekkt en málinu var vísað frá þar sem hinn eigandi fasteignarinnar, það er sambýliskonan fyrrverandi, veitti ekki samþykki sitt fyrir því að málið yrði borið undir dómstóla. Landsréttur staðfesti frávísun héraðsdóms nú fyrir helgi og verður eignin því boðin upp.

Athugasemdir

Auglýsing
Auglýsing

Tengdar fréttir

Dómsmál

Hæsti­réttur sker úr um skil­greiningu á stór­felldu gá­leysi

Dómsmál

Dóms­mála­ráð­herra boðar til blaða­manna­fundar

Fangelsismál

Slagsmál á Litla-hrauni tilkynnt til lögreglu í dag

Auglýsing

Nýjast

Sekt fyrir að virða ekki lokanir við Hrafns­eyrar­heiði

Þriggja daga þjóðar­sorg: Allt að 200 látin

FBI tekur nú þátt í að rannsaka Boeing 737 MAX

Brexit mögulega frestað til 30. júní

„Enginn skilinn eftir“ á alþjóðlega Downs-deginum

Efling kallar eftir því að bílstjórar standi saman óháð félagi

Auglýsing