Innlent

Hugar­afl heim­sótti ráðu­neyti og vel­ferðar­svið

Í tilefni af alþjóðlegum geðheilbrigðisdegi fór Hugarafl út í samfélagið til að kynna fjölbreytta starfsemi sína. Þau heimsóttu ýmis ráðuneyti og stofnanir í dag.

Á myndinni eru þau Árni Steingrímsson notandi hjá Hugarafli og Auður Axelsdóttir iðjuþjálfi sem heimsóttu velferðarsvið Reykjavíkurborgar í dag Fréttablaðið/Stefán

Í tilefni af Alþjóðlegum geðheilbrigðisdeginum í dag bauð Hugarafl ýmsum stofnunum og fyrirtækjum að heimsækja þau og halda bæði fræðslufyrirlestra og vinnusmiðjur um valdeflingu, sjálfstyrkingu og geðfræðslu.

„Við bjóðum upp á svo gríðarlegt úrval af hópum og fræðslu að við ákváðum að fara með það út í samfélagið,“ segir Málfríður Hrund Einarsdóttir formaður Hugarafls í samtali við Fréttablaðið í dag.

Málfríður segir að þau hafi heimsótt bæði ráðuneyti og ýmsar stofnanir. Mismunandi aðilar fóru á mismunandi staði. 

Sem dæmi fór Thelma Ásdísardóttir með fræðslu um ofbeldi og áföll í dómsmála- og samgöngumálaráðuneytið. Bragi Sæmundsson fór með námskeiðið Bragabót sem er fræðsla um meðal annars reiði og frestunaráráttu og síðan fóru þau Árni Steingrímsson notandi hjá Hugarafli og Auður Axelsdóttir iðjuþjálfi í heimsókn á velferðarsvið Reykjavíkurborgar með erindi um valdeflingu.

Á myndinni eru þær Málfríður og Thelma. Myndin er úr safni. Fréttablaðið/Stefán

Að sögn Málfríðar hafa fleiri ráðuneyti þegið boð um heimsókn og munu þær fara fram á næstu viku.

Í dag er Hugarafl með opið hús i tilefni dagsins, á milli klukkan 16 og 18. Tekið verður á móti gestum með ljúfum tónum, samveru og vöfflukaffi og allir velkomnir til að fræðast um núverandi stöðu Hugarafls og innra starf á haustdögum.

Nánari upplýsingar um félagið er hægt að nálgast hér.

Athugasemdir

Auglýsing
Auglýsing

Tengdar fréttir

Innlent

​For­maður ÍKSA lofaði upp í ermina á sér og harmar það

Verkalýðsmál

Sakar Bryn­dísi um hroka í garð verka­lýðs­for­ystunnar

Innlent

Bryn­dís segir femín­ista hata sig: „Hvar er ég stödd?“

Auglýsing

Nýjast

Netanja­hú hættir sem utan­ríkis­ráð­herra

Opnar sig um HIV: „Tón­listin eins og græðis­­myrsl“

Ratclif­fe vinnur að því að koma milljörðum punda frá Bret­landi

Leggja 200 prósent tolla á allar vörur frá Pakistan

Fimm létust í skot­á­rás á ferða­manna­stað í Mexíkó

Shamima fæddi barn í flótta­manna­búðunum

Auglýsing