Í dag hófst framleiðsla á stærsta Honda jeppa sem fyrirtækið hefur framleitt og fer framleiðslan fram í Bandaríkjunum. Þar fer stór jeppi með þrjár sætaraðir sem ber nafnið Honda Passport. Þessi bíll var kynntur á LA Auto Show bílasýningunni og honum verður att fram gegn álíka stórum jeppum svo sem Ford Edge, Nissan Murano og Jeep Grand Cherokee á Bandaríkjamarkaði, en þar virðist endalaus þörf fyrir stóra jeppa sem helst skarta þriðju sætaröðinni. 

Bíllinn er framleiddur í verksmiðju Honda í Alabama við hlið Honda Pilot, Ridgeline og Odyssey. Þar fara einnig bílar sem helst er teflt fram á Bandaríkjamarkaði og eru sem dæmi ekki til sölu hér á landi. Þessir bílar sem smíðaðir eru í í Alabama eru með sama undirvagn og þessir bílar eru líka með sömu 3,5 lítra V6 vélina og mælaborðið í þeim er líka eins. Í verksmiðjunni í Alabama hafa nú þegar verið smíðaðir 4,7 milljón bílar fyrir Bandaríkjamarkað frá árinu 2001. 

Honda Passport mun fást í fjórum mismunandi útfærslum, Sport, EX-L, Touring og Elite. Jafnvel ódýrasta Sport útgáfan er býsna vel útbúin með mikið af akstursaðstoðar- og öryggiskerfum, LED aðalljósum og þriggja svæða tölvustýrðri miðstöð. Verðið á bílnum er ekki enn uppgefið frá Honda en fyrstu bílarnir koma til sölu snemma á næsta ári.