Tæplega tíu metra langur hnúfubakur rakst á skip í Tempsá í Englandi og dó. Hvalurinn hafði þá synt upp og niður eftir ánni í Kent-sýslu, nálægt Dartford brúnni í nokkra daga áður en hann rakst á skipið. Hnúfubakurinn fékk viðurnefnið Hessy en um er að ræða ungan kvenkyns kálf.

Rob Deaville, forstöðumaður dýrafræðisamtakanna Zoological Society of London, staðfesti í dag að hvalurinn hafi rekist á skip og dáið.

Dýrafræðingar þurftu að nota krana til að hýfa upp hræið úr ánni.

Þá þykir óvenjulegt að sjá hvali í Thames ánni en mjald­urinn Benny sást oft á sundi í Thames í fyrra. Hann hélt sig lengst af í þeim hluta ár­inn­ar sem er í Kent-sýslu eins og hnúfubakurinn gerði.