Hægum vindi er spáð framan af degi og víða léttskýjað, frost yfirleitt á bilinu 2 til 10 stig. Það snýst í vaxandi suðaustanátt eftir hádegi og þykknar upp með stöku éljum sunnan til á landinu. Suðaustan 10-18 metrar á sekúndu í kvöld og rigning eða snjókoma með köflum sunnan og vestanlands, en heldur hægari vindur og þurrt að mestu fyrir norðan. Það hlýnar með deginum, hiti um og yfir frostmarki seint í kvöld.

Í nótt lægir og dregur úr úrkomu, en fer aftur að rigna sunnan- og suðaustanlands í fyrramálið. Snýst í vaxandi norðanátt síðdegis á morgun með snjókomu, slyddu eða rigningu um landið norðan- og austanvert, en styttir víða upp sunnan heiða.

Veðurhorfur á landinu næstu daga

Á föstudag:
Suðaustan og austan 5-10 metrar á sekúndu og rigning með köflum, en úrkomulítið fyrir norðan. Snýst í vaxandi norðanátt síðdegis með snjókomu, slyddu eða rigningu um landið norðan og austanvert, en styttir upp sunnan- og vestanlands. Hiti 0 til 6 stig, en vægt frost í innsveitum á Norðurlandi.

Á laugardag:
Norðan og norðvestan 15-20 metrar á sekúndu um landið austanvert, annars hægari vindur. Snjókoma eða rigning norðanlands, en þurrt að kalla sunnan heiða. Dregur úr úrkomu og lægir eftir hádegi. Hiti breytist lítið.

Á sunnudag:
Hæg breytileg átt og bjart með köflum, en dálítil él við suðurströndina. Frost 0 til 8 stig, kaldast inn til landsins.

Á mánudag og þriðjudag:
Austlæg átt og þurrt að kalla, frost 1 til 9 stig. Dálítil rigning eða slydda með suðurströndinni og hiti 0 til 4 stig.

Á miðvikudag:
Útlit fyrir vestlæga átt með dálitlum éljum víða um land.