Þau hús sem standa efst í byggðinni í suðurhluta Seyðisfjarðar í jaðri rýmingarsvæðisins haldast óbreytt í rýmingu til 27. desember að minnsta kosti. Ákvörðun um afléttingu rýmingar í öðrum húsum á svæðinu verður tekin síðar í dag. Ef rýmingu verður ekki aflétt síðar í dag mun henni ekki aflétt fyrr en í fyrsta lagi 27. desember.

Greining gagna og mat á stöðugleika á rýmingarsvæðið hefur staðið yfir og er metið reglulega. Aðstæðurnar hafa, að sögn lögreglu á Austurlandi, farið hratt batnandi eftir að rigningu slotaði og kólnaði í veðri. Hins vegar er gert ráð fyrir að hlýni að nýju í veðri í skamman tíma á aðfanga og jóladag og því ekki talið öruggt að aflétta rýmingu á efsta hluta rýmingarsvæðisins fyrir þann tíma.

Gert er ráð fyrir að tilkynning verði send um hvort aflétta eigi rýmingu af neðra svæðinu, neðan við Múlaveg, fyrir klukkan 19 í kvöld.

Öllum íbúum sem búa innan við Búðará og eiga hús á rýmingarsvæði verður í dag gefinn kostur á að sækja nauðsynjar í hús sín. Hvatt er til að þeim verðum verði mjög stillt í hóf en að þeir sem æskja þess að nýta þann möguleika gefi sig fram í Ferjuleiru á Seyðisfirði.

Aurskriður á Seyðisfirði, – rýming 22 Desember 2020 11:53 Greining gagna og mat á stöðugleika á rýmingarsvæði hefur...

Posted by Lögreglan á Austurlandi on Tuesday, 22 December 2020