Búast má við ró­legu verðri um helgina, bjart­viðri á norð­vestan­verðu landinu, en annars skýjað með köflum og smá skúrir, einkum seinni partinn. Fram kemur í hug­leiðingum veður­fræðings að norð­austan til verði svalt í verði og sums staðar verði nætur­frost. En annar verði hiti yfir 10 til 15 stigum yfir daginn. Eftir helgi er spáð kólnandi veðri á öllu landinu. Þá má jafn­vel búast við ein­hverjum éljum norð­austan til á landinu.

Veður­horfur á landinu næstu daga

Á mánu­dag:
Norð­læg átt 5-13 m/s. Lítils háttar slydda NA-lands og hiti 1 til 6 stig, en víða bjart S- og V-til og hiti 8 til 15 stig.

Á þriðju­dag:
Norðan 8-15 m/s og skýjað, en úr­komu­lítið fyrir norðan. Að mestu bjart sunnan heiða, en líkur á skúrum allra syðst. Hiti frá frost­marki í inn­sveitum NA-til, upp í 10 stig syðra.

Á mið­viku­dag:
Norð­læg átt 8-13 m/s og skúrir eða él NA-til, en annars mun hægara og bjart með köflum. Hiti breytist lítið.

Á fimmtu­dag (upp­stigningar­dagur):
Norð­læg átt og styttir upp A-ast, en víða bjart annars staðar. Heldur hlýnandi veður.

Á föstu­dag:
Út­lit fyrir hæga vinda, þurrt og yfir­leitt milt veður.