Herdís Friðriksdóttir hefur verið ráðin framkvæmdastjóri Skálholts. Herdís er skógfræðingur að mennt og er að auki með MPM í verkefnisstjórnun menntunar.

Stjórn Skálholts auglýsti á dögunum eftir framkvæmdastjóra félagsins. Alls bárust 20 umsóknir um stöðuna.

Herdís hefur rekið sitt eigið fyrirtæki frá árinu 2017, Understand Iceland. Understand Iceland sérhæfir sig í fræðsluferðum fyrir háskólanemendur og fróðleiksfúsa Norður Ameríkana.

Þar á undan starfaði Herdís sem verkefnastjóri Sesseljuhúss umhverfisseturs á Sólheimum og fyrr sem sérfræðingur hjá Orkuveitu Reykjavíkur.

Herdís er gift Einari Á. E. Sæmundsen þjóðgarðsverði þjóðgarðsins á Þingvöllum. Þau eiga saman tvær dætur. Herdís og Einar eru sveitungar Skálholtsstaðar og búa með fjölskyldu sinni í Reykholti.

Skálholtskirkja.
Fréttablaðið/Vilhelm Gunnarsson