Útdrætti í Happdrætti Háskóla Íslands, sem átti að fara fram í kvöld, hefur nú verið frestað þar til á morgun vegna veðurs en þetta kemur fram í tilkynningu um málið.

Happdrætti Háskóla Íslands hefur aldrei frestað útdrætti áður og er þetta því í fyrsta sinn í 85 ára sögu happdrættisins sem útdrætti er frestað.

Enn hægt að kaupa miða

„Vegna fárviðrisins sem gengur yfir landið núna sáum við ekki annað í stöðunni en að fresta útdrættinum þar til á morgun,“ segir Úlfar Gauti Haraldsson, rekstrarstjóri flokkahappdrættis Háskóla Íslands, en ákveðnum reglum þarf að fylgja við útdráttinn og þurfa nokkrir að vera viðstaddir, meðal annars fulltrúi sýslumanns og Happdrættisins.

„En fátt er svo með öllu illt að ei boði gott því það er öruggt að einn heppinn miðaeigandi mun hreppa 30 milljónir króna svo fólk hefur enn möguleika á að kaupa miða,“ segir Karl að lokum.