Handtökuskipun á Vladimír Pútín, Rússlands forseta, var gefin út í dag af dómara Alþjóðlega sakamáladómstólsins (ICC) fyrir stríðsglæpi í Úkraínu. Pútin er sagður ábyrgur fyrir ólöglegum flutningi á börnum frá Úkraínu.
Rússar neitar öllum ásökunum um alla stríðsglæpi og eiga ekki aðild að Alþjóðasakamáladómstólnum. ICC telur gildar ástæðu fyrir ákærunum og hefur Pútín verið ákærður fyrir þátttöku sína í útflutning barna frá Úkraínu. Hann er sagður taka beinan þátt í þeim aðgerðum, ásamt því að vinna með öðrum í slíkum aðgerðum.
Talið er að Rússar hafi rænt 6.000 Úkraínskum börnum til Rússlands en líklega er sú tala hærri. Vísindamenn frá mannúðsrannsóknarstofu Yale hafa borið kennsl á 43 búðir og aðstöðu í Rússlandi þar sem Úkraínsk börn eru flutt. Börn allt frá fjögra mánaða eru í þessum búðum og ástæða þess talin vera pólitísk endurmenntun.
Rússar gerðu loftárás á Úkraínu í seinustu viku þar sem stór hluti Kænugarðs var án rafmagns. Rússar skutu minnst 80 flugskeytum á borgir og bæi í Úkraínu. Í þeirri árás létust minnsta kosti níu manns. Tala látinna frá upphafi innrásarinnar er 8.000 almennir borgarar en þar er eingöngu taldir þeir sem hægt er að staðfesta.
