Innlent

Hand­­tekinn af lög­reglu og sér­sveit fyrir utan Garð­heima

Lög­regla og sér­sveitin óku framan á bíl sem sau­tján ára piltur ók og hand­tóku hann fyrir utan Garð­heima í Breið­holti. Pilturinn hafði neitað að sinna til­mælum lög­­reglunnar og var honum veitt eftir­­­för úr Grafar­vogi.

Frá vettvangi í kvöld. Eftirförinni lauk með því að ekið var framan á bíl ökumannsins og hann handtekinn. Fréttablaðið/Þórsteinn

Lögreglan á höfuðborgarsvæðinu og sérsveit ríkislögreglustjóra handtóku á sjöunda tímanum í kvöld ökumann bíls fyrir utan Garðheima í Breiðholti. Ökumaðurinn er sautján ára gamall að sögn lögreglu.

Hafði pilturinn verið beðinn um að stöðva á Víkurvegi í Grafarvogi en bíll hans var númerslaus. Sinnti hann þeim tilmælum ekki og ók af stað á miklum hraða. Hófst þá mikil eftirför og endaði hún, sem fyrr segir, í Breiðholti með handtöku piltsins.

Bíll piltsins var stöðvaður af bíl sérsveitarinnar sem ók framan á hann. Mikill viðbúnaður var á svæðinu og var götum í grenndinni lokað á meðan á handtökunni stóð.

Fjórir lögreglubílar eru skemmdir eftir eftirförina, tveir þeirra óökuhæfir. Að sama skapi er bíll hins handtekna skemmdur.

Meiðsli piltsins eru minni háttar að sögn lögreglu en hann var fluttur til aðhlynningar á slysadeild. Ekki liggur fyrir hvað honum gekk til en hans bíður nú yfirheyrsla að því er fram kemur í tilkynningu frá lögreglu.

Fréttin hefur verið uppfærð.

Fréttablaðið/Þórsteinn

Athugasemdir

Auglýsing
Auglýsing

Tengdar fréttir

Innlent

HM-hiti í Stór­moskunni: Á­fram Ís­land!

Innlent

Ras­istar nýta sér myndir af Ís­lendingum á HM

Innlent

Íslendingar hafa hagað sér vel á HM

Auglýsing

Nýjast

Erlent

Jordan Peter­­son stefnir há­­skóla­­fólki fyrir róg­burð

Innlent

Sendir strákunum kveðju á CNN: „Við erum stolt af ykkur“

Innlent

ASÍ fordæmir afskipti forstjóra Hvals

Innlent

Reynt að fá við­ræður um skila­dag í hálft annað ár

Fréttir

Fleiri ný­nemar á fram­halds­skóla­stigi út­skrifast eftir fjögur ár

Innlent

Fimm teknir ölvaðir á bílum í nótt

Auglýsing