Halldóra Fríða Þorvaldsdóttir, varabæjarfulltrúi og varaþingmaður Suðurkjördæmis, leiðir lista Framsóknarflokksins í Reykjanesbæ fyrir kosningarnar í maí. Fram kemur í tilkynningu að listi flokksins hafi verið samþykktur á félagsfundi 10. Mars.

„Tækifærin eru allt um kring og það er okkar sem hér búum að grípa þau. Eitt mikilvægasta hlutverk bæjarfulltrúa er að valdefla íbúa til góðra verka, styðja við bakið á góðum hugmyndum og ryðja hindrunum burt. Frambjóðendur Framsóknar munu líkt og síðastliðin fjögur ár halda áfram að fjárfesta í fólki og vera hreyfiafl framfara í samfélaginu,“ sagði Halldóra Fríða á fundinum.

Listann skipa:

  1. Halldóra Fríða Þorvaldsdóttir, verkefnastjóri í íslensku sem öðru máli og varaþingmaður
  2. Bjarni Páll Tryggvason, forstöðumaður hjá Isavia
  3. Díana Hilmarsdóttir, forstöðumaður Bjargarinnar
  4. Róbert Jóhann Guðmundsson, málarameistari
  5. Trausti Arngrímsson, viðskiptafræðingur
  6. Sighvatur Jónsson, tölvunarfræðingur og fjölmiðlamaður
  7. Aneta Zdzislawa Grabowska, einkaþjálfari, zumba kennari og snyrtifræðingur.
  8. Sigurður Guðjónsson, framkvæmdastjóri, bílasali
  9. Friðþjófur Helgi Karlsson, skólastjóri
  10. Bjarney Rut Jensdóttir, lögfræðingur
  11. Birna Ósk Óskarsdóttir, grunnskólakennari
  12. Unnur Ýr Kristinsdóttir, verkefnastjóri hjá KFUM og K á Íslandi
  13. Gunnar Jón Ólafsson, verkefnastjóri í eldvarnareftirliti
  14. Andri Fannar Freysson, tölvunarfræðingur
  15. Birna Þórðardóttir, viðurkenndur bókari hjá Heilbrigðisstofnun Suðurnesja
  16. Halldór Ármannsson, trillukall
  17. Karítas Lára Rafnkelsdóttir, ráðgjafi hjá Björginni
  18. Eva Stefánsdóttir, verkefnastjóri hjá Icelandair og MBA nemi
  19. Ingibjörg Linda Jones, hjúkrunarnemi og starfsmaður Heilbrigðisstofnunnar Suðurnesja

20. Sævar Jóhannsson, húsasmíðameistari

21. Kristinn Þór Jakobsson, viðskiptafræðingur og innkaupastjóri

22. Jóhann Friðrik Friðriksson, Alþingismaður