Veður­stofan spáir stífri suð­austan- og austan­átt, á bilinu þrettán til 20 metrum á sekúndu víða um land í dag. Spáð er tals­verðri eða mikilli rigningu á Suð­austur­landi og Aust­fjörðum en rigningu af og til annars staðar á landinu. Í gildi er ó­vissu­stig vegna ofan­flóða­hættu á Austur­landi.

Þar er spáð upp­safnaðri úr­komu á bilinu 100 til 200 milli­metrum og vot snjó­flóð eða krapa­flóð og skriður gætu fallið. Metið verður í dag hvort grípa þurfi til að­gerða vegna veðursins á Seyðis­firði, þar sem flóð féllu í desember.

Í gildi er gul við­vörun á Aust­fjörðum, Suð­austur­landi og Mið­há­lendinu. Á Mið­há­lendinu fellur hún úr gildi þegar líður á morguninn en hinar gilda fram á nótt.

Seinni­partinn í dag dregur úr vindi og úr­komu og verður vindur sunnan átta til fimm­tán metrar í kvöld með skúrum en austast á landinu verður enn um­tals­verð rigning. Hiti víðast hvar tvö til átta stig.

Út­lit er fyrir sunnan átta til þrettán metra vind og skúri eða rigningu en bjart norðan- og norð­austan­lands og hiti breytist lítið.

Vetrar­færð er á norður­hluta landsins, einkum á fjall­vegum. Búast má við snörpum vind­hviðum við fjöll á Suður- og Suð­austur­landi í dag.

Herjólfur gat ekki siglt til Vest­manna­eyja á föstu­dag og í gær en gat siglt í morgun.