Innlent

Hægt að skilja um­búðirnar eftir til endur­vinnslu

Krónan hefur sett upp sérstakt afpökkunarborð fyrir viðskiptavini í tveimur verslunum sínum, í Lindum og úti á Granda.

Viðskiptavinir geta tekið umbúðir utan af vörum sínum og skilið þær eftir. Krónan sér svo um að flokka þær og fara með þær til endurvinnslu.

Krónan hefur sett upp sér­stök af­pökkunar­borð í tveimur verslunum sínum þar sem við­skipta­vinir geta tekið um­búðir utan af þeim vörum sem þeir telja sig ekki þurfa. Um­búðirnar verða svo flokkaðar og endur­unnar. 

Fram kemur í til­kynningu frá Krónunni að um sé að ræða skref til þess að minnka plast og pappa, og að verslunin vilji finna leiðir til þess að minnka heimilis­ruslið. Mark­miðið verði að lág­marka um­búðir í sam­starfi við birgja og að sú vinna sé þegar hafin. 

„Við hjá Krónunni erum með­vituð um þá stað­reynd að ein helsta á­skorun í um­hverfis­málum sam­tímans er að minnka sóun, bæði þá sóun sem verður til vegna matar sem fer til spillis en einnig vegna pappa- og plast­um­búða utan um mat­væli og nauð­synja­vörur. Krónan er stórt fyrir­tæki sem getur nýtt kraft sinn til góðs og er af­pökkunar­borðið eitt af mörgum verk­efnum sem eru í gangi hjá okkur,“ segir Gréta María Grétars­dóttir, fram­kvæmda­stjóri Krónunnar, í til­kynningunni. 

„Okkar lang­tíma­markið er að finna um­búðir sem tryggja bæði að fersk­leiki mat­vörunnar haldist sem lengst svo matar­sóun aukist ekki og að um­búðirnar verði um­hverfis­vænni í góðri sam­vinnu við fram­leið­endur, sölu­aðila og okkar við­skipta­vini. Þannig má segja að mark­miðið sé að ekki verði þörf á af­pökkunar­borðum í fram­tíðinni,“ bætir hún við. 

Af­pökkunar­borðin eru komin upp í verslunum Krónunnar í Lindum og á Granda.

Athugasemdir

Auglýsing
Auglýsing

Tengdar fréttir

Björgun

Þyrlan sótti göngu­menn upp á Tungna­fells­jökul

Hvalveiðar

Fjallað um fyrir­hugaðar hval­veiðar í er­lendum miðlum

Umhverfismál

Plok­kver­tíðin að hefjast hjá Atla

Auglýsing

Nýjast

Maduro slítur stjórn­mála­sam­bandi við Kólumbíu

Milljón dollara trygging fyrir R. Kel­ly

Her­togaynjan hótar lög­sóknum

Tólf ára blaða­kona lét lög­reglu­mann heyra það

Segja RÚV upp­hefja eigin verk á kostnað fag­manna

Leit lokið í dag: „Mikill sam­hugur á Ír­landi“

Auglýsing