Í dag má búast við fremur hægari vestlægri eða breytilegri átt á landinu öllu og verður hiti á bilinu 6 til 13 stig. Að því er kemur fram í hugleiðingum veðurfræðings hjá Veðurstofu Íslands verða hægir vindar og bjartviðri ríkjandi í dag en dálitlir skúrir verða þó fram eftir degi vestan til.

„Í nótt og á morgun nálgast landið skil úr vestri og fer að hvessa af suðri. Allhvass vindur eða hvassviðri eftir hádegi á morgun á Vesturlandi, en eitthvað hægari um landið austanvert. Skilunum fylgir rigning sunnan- og vestanlands en lengst af verður þurrt norðaustan til.“

Þegar líður á vikuna er útlit fyrir suðvestan strekking víðs vegar og einhverja úrkomu en þegar fer að líða að helgi dregur úr vætu og birtir heldur til.

Það sem eftir lifir vikunnar er síðan útlit fyrir suðvestan strekking víðast hvar og einhverja úrkomu, en þó dregur úr vætu og birtir heldur til er líður að helgi. „Skammt er þó stórra högga á milli og útlit er fyrir lægðagang í kringum landið í næstu viku.“

Veðurhorfur á landinu næstu daga:

Á fimmtudag:

Suðvestan 8-15 og rigning eða skúrir, en þurrt og bjart að mestu austantil á landinu. Hiti 7 til 13 stig, hlýjast á Norðausturlandi.

Á föstudag:

Suðvestlæg átt, 8-15 og smáskúrir vestantil, en hægari vindur og léttskýjað austantil. Hiti breytist lítið.

Á laugardag:

Suðvestan 10-18 m/s. Rigning með köflum sunnan- og vestanlands, en hægari vindur og úrkomulítið norðaustan- og austanlands. Hiti 7 til 13 stig.

Á sunnudag:

Minnkandi suðvestanátt og víða bjart í veðri, en stöku skúrir um landið vestanvert. Kólnar lítið eitt.

Á mánudag:

Líklega hvöss suðlæg eða breytileg átt og rigning um allt land. Kólnandi veður.