Veðurstofan spáir því að í dag og á morgun verði fremur hæg norðlæg eða breytileg átt, 3-8 m/s, en norðaustan 8-13 m/s norðvestantil. Það verða él um norðanvert landið, einkum við ströndina, en víða léttskýjað syðra.

Frost verður 0 til 10 stig, kaldast inn til landsins, en sums staðar frostlaust við sjávarsíðuna. Mesta frost mældist 16 stig síðustu nótt á Þingvöllum.

Annað kvöld verða norðan 8-13 m/s.

Í hugleiðingum veðurfræðings kemur fram að næstu daga verði fremur hægar og kaldar norðlægar áttir ríkjandi með dálitlum éljum, en þurru og björtu veðri á sunnanverðu landinu.

Veðurhorfur á landinu næstu daga

Á fimmtudag:

Norðaustan 8-13 m/s á Vestfjörðum en hægari norðlæg átt annars staðar. Skýjað um norðanvert landið og dálítil él með ströndinni, en þurrt og bjart sunnantil. Frost víða 1 til 10 stig, mest inn til landsins.

Á föstudag:

Norðlæg átt 5-13 m/s, hvassast norðaustantil. Él einkum norðaustanlands, en bjartviðri um sunnanvert landið. Frost um land allt.

Á laugardag:

Hæg norðlæg átt, þurrt og víða bjart, en norðavestan 8-13 m/s og dálítil él norðaustantil á landinu. Herðir á frosti.

Á sunnudag:

Hæg suðlæg átt og bjart með köflum en dálítil snjókoma suðaustanlands. Áfram kalt í veðri.

Á mánudag:

Snýst í norðlæga átt með stöku éljum norðanlands, annars þurrt. Frost um land allt.

Á þriðjudag:

Útlit fyrir hæga breytilega átt, björtu og köldu veðri.

Færð og ástand vega

Yfirlit:

Vetrarfærð er í öllum landshlutum og víða éljagangur á Norðurlandi.