Dómsmálaráðherra hefur skipað Gunnar Örn Jónsson í embætti lögreglustjórans á Vesturlandi frá 7. apríl næstkomandi. Frá þessu er greint í tilkynningu á síðu ráðuneytisins. Gunnar Örn er nú lögreglustjóri á Norðurlandi vestra

Þar kemur einnig fram að Gunnar Örn var frá árinu 2015 yfirmaður ákærusviðs við embætti lögreglustjórans á Suðurlandi og staðgengill lögreglustjóra, þar til að hann tók við embætti lögreglustjóra á Norðurlandi vestra árið 2017.

Gunnar Örn útskrifaðist sem lögfræðingur árið 2003. Hann starfaði sem löglærður fulltrúi sýslumannsins á Selfossi frá 2004 til ársins 2014, þar af sem staðgengill sýslumanns frá 2008.