Guðni Már Hennings­­­son fjöl­­­miðla-, út­­­varps og lista­­­maður er látinn. Hann var fæddur 9. júní árið árið 1952 og var einn ástælasti útvarpsmaður landsins. Guðni lést á heimili sínu á Tenerife á Spáni þar sem hann hafði verið búið undan­farið ár sam­­kvæmt eirikur­jons­­son.is.

Hann var lengi með þættina Nætur­vaktina á Rás 2 við miklar vin­sældir. Guðni hóf störf hjá Ríkis­út­varpinu árið 1992 og fast­ráðinn frá árinu 1994. Auk Nætur­vaktarinnar annaðist hann vin­sæla þætti á borð við Popp­land, auk fjölda annarra. Hann starfaði hjá Ríkis­út­varpinu í um aldar­fjórðung, með hléum.

Útvarpsmaðurinn Ólafur Páll Gunnarsson, Óli Palli, greindi frá fráfalli Guðna Más í Popplandi á Rás 2 í hádeginu. Þeir unnu lengi saman og var Guðni Már fyrsti samstarfsmaður Óla Palla í Popplandi.

„Við vorum miklir vinir og unnum lengi og vel saman hérna í Popp­landi. Hann var lengi liðs­maður Popp­lands. Hann var líka á nætur­vaktinni og einn elskaðasti og dáðasti út­varps­maður þjóðarinnar,“ sagði Óli Palli í Popp­landi.

„Hann var skemmti­­legur og mér þótti mjög vænt um hann Guðna minn. Og ég segi bara góða ferð, kæri vinur,“ sagði Óli Palli í Popp­landi í há­­deginu.

Guðni gaf út á ferli sínum nokkrar ljóða­bækur og hélt fjölda mál­verka­sýninga, auk þess að spila í nokkrum hljóm­sveitum.

Hann ræddi búferlaflutningana til Tenerife í viðtali við Hringbraut í fyrra sem lesa má hér.