For­val Vinstri grænna í Suð­vestur­kjör­dæmi fer nú fram en um er að ræða þriðja for­valið hjá VG fyrir al­þingis­kosningarnar í haust. Níu fram­bjóð­endur taka þátt í for­valinu, þar af þrír sem stefna á fyrsta sætið.

Kosningu lýkur á morgun en í há­deginu höfðu 34 prósent kosið í for­valinu af þeim tæp­lega 1700 sem eru á kjör­skrá. Niður­stöður for­valsins verða síðan kynntar annað kvöld.

Guð­mundur Ingi Guð­brands­son, um­hverfis- og auð­lindar­ráð­herra, Ólafur Þór Gunnars­son, læknir og al­þingis­maður, og Una Hildar­dóttir, upp­lýsinga­full­trúi og vara­þing­maður, keppast um að leiða lista hreyfingarinnar í Suð­vestur­kjör­dæmi en Una sækist eftir fyrsta eða öðru sæti. Kol­brún Hall­dórs­dóttir, fyrr­verandi þing­kona og ráð­herra, sækist einnig eftir öðru sæti.

Nú liggja fyrir niður­stöður í Norð­austur­kjör­dæmi og Suður­kjör­dæmi en í Norð­austur­kjör­dæmi er það Óli Hall­dórs­son, odd­viti Vinstri græna í Norður­þingi, sem leiðir listan og í Suður­kjör­dæmi leiðir Hólm­fríður Árna­dóttir, skóla­stjóri og for­maður VG á Suður­nesjum, listann.

Frambjóðendur Vinstri grænna í Suðvesturkjördæmi:

Bjarki Bjarnason, rithöfundur og forseti bæjarstjórnar í Mosfellsbæ. 4. – 5. sæti.

Einar Bergmundur Þorgerðar- og Bóasarson, hugbúnaðarsérfræðingur. 3. – 5. sæti.

Guðmundur Ingi Guðbrandsson, umhverfis- og auðlindaráðherra og umhverfisfræðingur. 1. sæti.

Júlíus Andri Þórðarson, stuðningsfulltrúi og háskólanemi. 4. sæti.

Kolbrún Halldórsdóttir, leikstjóri og fyrrverandi alþingismaður og ráðherra. 2. sæti.

Ólafur Þór Gunnarsson, læknir og alþingismaður. 1. sæti.

Una Hildardóttir, upplýsingafulltrúi og varaþingmaður. 1. – 2. sæti.

Valgerður Bláklukka Fjölnisdóttir, þjóðfræðinemi. 3. sæti.

Þóra Elfa Björnsson, setjari og framhaldsskólakennari. 3. – 5. sæti.