Guðlaugur Þór Þórðarson utanríkisráðherra segir að honum sé brugðið vegna atburðanna við bandaríska þinghúsið í Washington D.C. í kvöld.

Eins og greint hefur verið frá ruddust stuðningsmenn Donalds Trump Bandaríkjaforseta inn í þinghúsið, en í kvöld stóð til að staðfesta kjör Joe Biden í embætti forseta.

Guðlaugur Þór tjáir sig stuttlega um málið á Twitter þar sem hann segir meðal annars að virða þurfi niðurstöður lýðræðislegra kosninga.