Héraðsdómur Reykjaness hefur dæmt karlmann í fjögurra mánaða fangelsi fyrir að hafa í vörslum sínum samtals rúmlega eitt og hálft kíló af kannabislaufum, 31,2 grömm af marijúana og 28 kannabisplöntur.
Lögregla knúði dyra á heimili mannsins þann 29. mars 2021 þar sem efnin fundust.
Maðurinn, sem er fæddur árið 1990, sótti ekki þing við þingfestingu málsins og var fjarvist hans metin til jafns við það að hann viðurkenndi að hafa framið þau brot sem hann var ákærður fyrir.
Þrír mánuðir dómsins eru skilorðsbundnir sem þýðir að maðurinn þarf að óbreyttu að sitja inni í einn mánuð. Manninum var einnig gert að greiða sakarkostnað málsins, rúmar 86 þúsund krónur.
