Einar Þorsteinsson, fyrrum fréttamaður og stjórnmálafræðingur, leiðir lista Framsóknar fyrir borgarstjórnarkosningarnar í maí. Einar tilkynnti um framboð sitt fyrir viku i í Vikunni hjá Gísla Marteini.

Árelía Eydís Guðmundsdóttir, dósent við Háskóla Íslands, skipar annað sætið. Listinn var samþykktur á auka kjördæmaþingi á Hilton Reykjavík Nordica í gærkvöldi.

Í þriðja sæti listans er Magnea Gná Jóhannsdóttir, laganemi og í því fjórða er er Aðalsteinn Haukur Sverrisson, framkvæmdastjóri og varaþingmaður. Í fimmta sæti er Þorvaldur Daníelsson, stofnandi Hjólakrafts og MBA.

„Ég er mjög þakklátur að fá að leiða lista þessa öfluga framsóknarfólks sem vill láta gott af sér leiða fyrir Reykvíkinga. Listinn er skipaður fólki með fjölbreyttan bakgrunn, reynslu og þekkingu af málefnum borgarinnar. Ég finn mikinn meðbyr með Framsókn og síðustu daga hafa fjölmargir gefið kost á sér til þess taka þátt í starfinu. Það er greinilegt að borgarbúar vilja geta kosið ferskan og öfgalausan valkost á miðju stjórnmálanna sem vantað hefur undanfarið kjörtímabil. Framsókn er flokkur fjölskyldunnar og í borgarmálunum er verk að vinna“ segir Einar Þorsteinsson, nýr oddviti Framsóknar í Reykjavík, í tilkynningu frá flokknum.

Á listanum eru 24 karlar og 22 konur. Sigrún Magnúsdóttir, fyrrverandi borgarfulltrúi og ráðherra, er í heiðurssæti listans. Framsóknarflokkurinn átti ekki neinn borgarfulltrúa í borgarstjórn á þessu kjörtímabili en á kjörtímabilinu á undan hættu borgarfulltrúarnir Guðfinna Jóhanna Guðmundsdóttir og Sveinbjörg Birna Sveinbjörnsdóttir. Flokkurinn bauð fram árið 2014 sem Framsóknarflokkur og flugvallarvinir. Þau buðu svo fram sem Framsóknarflokkurinn árið 2018 en hlutu aðeins 3,2 prósent atkvæða og fengu því engan fulltrúa.

Listi Framsóknar í Reykjavík:

  1. Einar Þorsteinsson, f.v. fréttamaður og stjórnmálafræðingur
  2. Árelía Eydís Guðmundsdóttir, Dósent við viðskiptafræðideild Háskóla Íslands og rithöfundur
  3. Magnea Gná Jóhannsdóttir, M.A. nemi í lögfræði og formaður Ung Framsókn í Reykjavík
  4. Aðalsteinn Haukur Sverrisson, framkvæmdastjóri og varaþingmaður
  5. Þorvaldur Daníelsson, framkvæmdastjóri Hjólakrafts og MBA
  6. Unnur Þöll Benediktsdóttir, öldrunarfræðinemi og frumkvöðull
  7. Gísli S. Brynjólfsson, markaðsstjóri
  8. Ásta Björg Björgvinsdóttir, forstöðumaður í félagsmiðstöð og tónlistarkona
  9. Kristjana Þórarinsdóttir, sálfræðingur
  10. Lárus Helgi Ólafsson, kennari og handboltamaður
  11. Ásrún Kristjánsdóttir, myndlistarkona og hönnuður
  12. Tetiana Medko, leikskólakennari
  13. Fanný Gunnarsdóttir, náms- og starfsráðgjafi
  14. Jón Eggert Víðisson, teymisstjóri hjá Reykjavíkurborg
  15. Berglind Bragadóttir, kynningarstjóri
  16. Jóhann Skagfjörð Magnússon, skólastjóri
  17. Inga Þyrí Kjartansdóttir, f.v. framkvæmdastjóri
  18. Griselia Gíslason, matráður
  19. Sveinn Rúnar Einarsson, veitingamaður

20. Gísli Jónatansson, f.v. kaupfélagsstjóri

21. Jón Ingi Gíslason, grunnskólakennari

22. Þórdís Jóna Jakobsdóttir, fíkniráðgjafi og markþjálfi hjá Hlaðgerðarkoti

23. Ágúst Guðjónsson, laganemi

24. Birgitta Birgisdóttir, háskólanemi

25. Guðjón Þór Jósefsson, laganemi

26. Helena Ólafsdóttir, knattspyrnuþjálfari og þáttastjórnandi

27. Hinrik Bergs, eðlisfræðingur

28. Andriy Lifanov, vélvirki

29. Björn Ívar Björnsson, hagfræðingur

30. Gerður Hauksdóttir, skrifstofustjóri

31. Bragi Ingólfsson, efnafræðingur

32. Dagbjört S. Höskuldsdóttir, f.v. kaupmaður

33. Ingvar Andri Magnússon, laganemi og fyrrum ólympíufari ungmenna í golfi

34. Sandra Óskarsdóttir, grunnskólakennari

35. Stefán Þór Björnsson, viðskiptafræðingur

36. Þórdís Arna Bjarkarsdóttir, læknanemi

37. Ívar Orri Aronsson, stjórnmálafræðingur

38. Jóhanna Gunnarsdóttir, sjúkraliði

39. Þorgeir Ástvaldsson, fjölmiðlamaður

40. Halldór Bachman, kynningarstjóri

41. Sandra Rán Ásgrímsdóttir, verkfræðingur

42. Lárus Sigurður Lárusson, lögmaður

43. Níels Árni Lund, f.v. skrifstofustjóri

44. Ingvar Mar Jónsson, flugstjóri

45. Jóna Björg Sætran, f.v. Varaborgarfulltrúi, M.ed. og PCC markþjálfi

46. Sigrún Magnúsdóttir, f.v. ráðherra og borgarfulltrúi