Búist er við því að nefndin sem rann­sakar á­rásina á þing­húsið í Banda­ríkjunum sem fór fram þann 6. janúar 2021 geti sýnt fram á að Donald Trump hafi brotið lög þegar hann neitaði að stöðva æsta múginn. Þetta segja tvær heimildir frá The Guar­dian.

Nefndin mun sýna fram á að for­setinn fyrr­verandi hafi van­rækt skyldu sína sem for­seti að vernda Banda­ríkja­þing. Trump gæti einnig hafa brotið lög sem banna að hindrað sé opin­bera máls­með­ferð fyrir þinginu, en þann 6. janúar 2021 var þingið saman komið til þess að stað­festa kjör Joe Biden sem for­seta Banda­ríkjanna.

Trump hefði getað kallað fram þjóð­varðar­lið til þess að stöðva múginn en kaus að gera þetta. Nefndin vill meina að Trump hefði getað á­varpað þjóðina í beinni út­sendingu og það hefði einnig róað múginn, en hann kaus einnig að sleppa því.

Á­rásin á þing­húsið tók 187 mínútur en meiri­hluta á­rásarinnar kaus Trump að þegja og gera ekki neitt, en margir litu svo­leiðis á að hann hefði verið að styðja múginn með því.

Nefndin mun á næstu dögum kalla fram vitni sem störfuðu í Hvíta húsinu á meðan á­rásin á þing­húsið fór fram. Búist er við því að þau fari yfir hvernig dagurinn leið, frá því hvernig Trump neitaði að snúa til baka að Hvíta húsinu eftir að hafa hvatt stuðnings­menn sína til að berjast fyrir því að snú niður­stöðum kosninganna honum í hag.

Cassi­dy Hunt, fyrrum ráð­gjafi Trump, greindi frá því til nefndarinnar að Trump hefði verið svo æstur að komast til stuðnings­manna sinna að á einum tíma­punkti hafi hann gripið í stýrið á öku­manni bíls síns sem ætlaði að keyra að Hvíta húsinu.