Þórunn er þekkt fyrir að vera útsjónarsöm þegar kemur að því að nýta gamla hluti og gera þá að nýjum. „Mér finnst algjör óþarfi að kaupa allt nýtt þegar hægt er að nýta hlutina sem fyrir eru og gera þá að nýjum. Við ákváðum til að mynda að halda eldhúsinnréttingunni fyrir var en lakka hana og skipta um höldur,“ segir Þórunn og bætir því við að í staðinn hafi þau geta leyft sér að kaupa ný eldhústæki og tól sem þau langaði í.

Eldhúsið.jpg

Þórunn keypti drauma eldhústækin og tól í sumarbústaðinn stað þess að skipta út innréttingunni. Hún fríkkaði upp á innréttinguna með því að lakka hana og skipta um höldur.

Þórunn er annálaður fagurkeri og elskar að skreyta fyrir hverja árstíð. Þar sem fjölskyldan ætlar að eyða páskunum í bústaðnum er hún búin að setja upp páskana í allri sinni dýrð. Litapalletturnar hennar í páskaskrautinu eru einstaklega fallegar og tóna vel við híbýlin. „Við elskum að vera hér og það er svo gaman að skreyta hérna og njóta þess að gleðja augað.“

Páskar

Þórunn veit fátt skemmtilegra enn að skreyta og fegra híbýli sín. Hér er sumarbústaðurinn kominn í páskabúninginn.

Framundan lifandi og skemmtilegt innlit í sumarbústaðinn hennar Þórunnar sem er hinn hlýlegasti, sveipaður sveitarómantík í þættinum Matur og Heimili á Hringbraut í kvöld klukkan 19.00 og aftur klukkan 21.00.

Hægt er að sjá brot úr þætti kvöldsins hér: