Pilturinn sem úrskurðaður var í einangrun vegna átakanna í Borgarholtsskóla er ungur og óharðnaður og áhrif á andlega líðan getur orðið alvarleg, segir Guðmundur Ingi Þóroddsson formaður Afstöðu félags fanga á Íslandi.

Afstaða sendi frá sét tilkynningu þar sem m.a. segir: „Fyrir þá sem ekki vita þýðir það að umræddur piltur sér ekki dagsljós nema í klukkustund á hverjum degi en bíður annars örlaga sinna í þröngum klefa hina 23 klukkutímana á sólarhring.

Oft hefur Afstaða fjallað um neikvæðar afleiðingar þess að einangrun hefur á andlegt líf þeirra sem þurfa að þola en eðlilega eru þær enn verri þegar um er að ræða ungt og óharðnað fólk.“.

Lögregla sett fram kröfu um að þrjú ungmenni ættu að sæta einangrun á grundvelli rannsóknarhagsmuna. Héraðsdómur Reykjavíkur hafnaði tveimur kröfum en úrskurðaði pilt í einangrun í viku.

Þá segir í tilkynning Afstöðu“ Ofbeldi innan framhaldsskóla á aldrei að líðast, frekar en annars staðar í samfélaginu. Engu að síður er hér að ræða um ungt fólk og hefur Afstaða af því áhyggjur að það sé sett í gæsluvarðhald og einangrun.“