Gabríel færður í af­plánun á Hólms­heiði

Gabríel Dou­ane Boama, sem strauk úr haldi lög­reglunnar í vikunni og var hand­tekinn fyrr í dag, hefur verið færður í af­plánun í fangelsið á Hólms­heiði. Þetta kemur fram í fréttatilkynningu frá lögreglunni á höfuðborgarsvæðinu.

Gabríel var hand­tekinn í sumar­bú­stað á höfuð­borgar­svæðinu. Fimm aðrir tengdir leitinni voru einnig hand­teknir á sama tíma. Fimm­menningarnir voru færðir á lög­reglu­stöð til yfir­heyrslu, en eru nú lausir úr haldi.

Rann­sókn á meintum þætti þeirra beinist að því hvort brota­manni hafi verið veitt að­stoð við að losna undan hand­töku.