Helstu breytingar eru á framstuðara með nýjum loftinntökum til hliðanna. Vitað er að bíllinn mun fá endurhönnuð aðalljós en þau eru ekki á þessum prófunarbíl. Eins og áður hefur komið fram eru aðalbreytingarnar innandyra, og þá aðallega í margmiðlunarskjánum sem stækkar í 12 tommur. Einnig mun bíllinn fá nýjasta hugbúnað Volkswagen sem á að bæta vinnslugetu og auðvelda uppfærslur gegnum netið. Volkswagen hefur hins vegar ekkert gefið upp ennþá um hvort von verði á meira drægi í næstu uppfærslu.