Innlent

Fyrsta til­felli um riðu­veiki á árinu greinist í Skaga­firði

Fyrsta til­felli um riðu­veiki á árinu hefur greinst á bænum Valla­nesi í Varma­hlíð í Skaga­firði. Riðu­veiki er á undan­haldi og eftir­lits­kröfur hafa verið hertar undan­farin ár.

Aukin áhersla hefur við lögð á að fá sýni úr fé sem drepst eða er lógað heima vegna vanþrifa, slysa eða sjúkdóma. Fréttablaðið/Vilhelm

Riðuveiki hefur greinst á bænum Vallanesi í Varmahlíð í Skagafirði. Á bænum eru 370 fjár. Ekki hafði orðið vart neinna sjúkdómseinkenna eða óeðlilegra affalla en riðan greindist í sýni úr kind frá bænum við slátrun. Þetta kemur fram í tilkynningu frá MAST.  

Matvælastofnun vinur nú að undirbúningi aðgerða og öflun upplýsinga. Héraðsdýralæknir vinnur jafnframt að því að meta umfang aðgerða á búinu umfang aðgerða við þrif, sótthreinsun og förgun fjár. Málið fer því næst í hefðbundið ferli hvað varðar gerð samnings um niðurskruð.

Á þessu búi hefur veikin greinst áður, síðast árið 2007. Búið er í Húna- og Skagahólfi en riðuveiki hefur komið upp á mörgum bæjum umhverfis Varmahlíð í gegnum tíðina. Svæðið er þekkt riðusvæði og hefur veikin komið upp á tuttugu búum á undanförunum 20 árum. Síðast árið 2016 á bæjunum Stóru-Gröf ytri og Brautarholti.

Fyrsta tilfellið sem greinist á árinu

Riðan er á undanhaldi og engin tilfelli greindust á árunum 2011 til 2014. Fram til árins 2010 greindist riða á nokkrum bæjum á landinu á hverju ári. Þetta er fyrsta tilfelli sem greinist á árinu en í fyrra greindist eitt tilfelli á Norðurlandi Eystra.

Aukin áhersla hefur við lögð á að fá sýni úr fé sem drepst eða er lógað heima vegna vanþrifa, slysa eða sjúkdóma, bændur eru hvattir til að senda hausa til Keldna eða hafa samband við dýralækni til að taka sýni úr slíku fé. Þá hafa sýni verið tekin úr um það bil þrjú þúsund kindum við slátrun á ári undan farin ár.

Athugasemdir

Auglýsing
Auglýsing

Tengdar fréttir

Björgun

Þyrlan sótti göngu­menn upp á Tungna­fells­jökul

Hvalveiðar

Fjallað um fyrir­hugaðar hval­veiðar í er­lendum miðlum

Umhverfismál

Plok­kver­tíðin að hefjast hjá Atla

Auglýsing

Nýjast

Tólf ára blaða­kona lét lög­reglu­mann heyra það

Segja RÚV upp­hefja eigin verk á kostnað fag­manna

Leit lokið í dag: „Mikill sam­hugur á Ír­landi“

Spennan magnast enn í Venesúela

Segir það sann­gjarna kröfu að fólk geti lifað á launum sínum

Þing­kona gagn­rýnd fyrir yfir­læti í garð barna

Auglýsing