Innlent

Fyrsta skóflu­stunga tekin að nýjum Land­spítala

Í dag var tekin skóflustunga að nýju Landspítalanum við Hringbraut.

Ráðherrar, ásamt fulltrúum félaga, hagsmunasamtaka og stofnana tóku fyrstu skóflustungu nýs meðferðarkjarna. Fréttablaðið/Stefán

Í dag var tekin skóflustunga að nýju Landspítalanum við Hringbraut. Ráðherrar, ásamt fulltrúum félaga, hagsmunasamtaka og stofnana tóku fyrstu skóflustungu nýs meðferðarkjarna. Áætlað er að meðferðarkjarninn verði tekinn í notkun árið 2024.

Meðferðarkjarninn er stærsta byggingin í Hringbrautarverkefninu og gegnir lykilhlutverki í starfseminni. Meðferðarkjarninn er hugsaður út frá starfsemi bráða- og háskólasjúkrahúss. Kjarninn tengist öðrum starfseiningum spítalans með tengigöngum og brúm. Hann verður á sex hæðum auk tveggja hæða kjallara.

„Uppbygging heilbrigðisþjónustunnar er eitt af forgangsmálum ríkisstjórnarinnar. Dagurinn í dag markar tímamót í heildaruppbyggingu nýs Landspítala við Hringbraut. Nýtt sjúkrahús mun gerbylta allri aðstöðu fyrir heilbrigðisþjónustuna í heild sinni, ekki síst fyrir sjúklinga, starfsmenn og aðstandendur,“ segir Svandís Svavarsdóttir heilbrigðisráðherra í tilkynningu.

Viðstaddir skóflustunguna voru einnig fyrrverandi heilbrigðisráðherrar auk fjölmargra annarra gesta. 

„Við sem stöndum að Hringbrautarverkefninu erum stolt á þessum degi nú þegar þegar jarðvinna vegna byggingar meðferðarkjarna hefst. Áætlanir okkar eru þær að byggingu spítalans verði lokið 2024 í samræmi við fjármálaáætlun Alþingis 2019-2023,“ segir Gunnar Svavarsson framkvæmdastjóri nýs Landspítala við Hringbraut.

Aðalhönnuður meðferðarkjarnans er Corpus3 hópurinn en Spital-hópurinn sér um gatna-, veitna- og lóðahönnun.

Sjá einnig: Nýr með­ferðar­kjarni við nýjan Land­spítala og Nýtt rann­sóknar­hús verður hjarta nýs Land­spítala

Svandís Svavarsdóttir ávarpaði samkomuna áður en skóflustungan var tekin Mynd/NLSH
Mikill fjöldi var samankominn til að fylgjast með Mynd/NLSH

Athugasemdir

Auglýsing
Auglýsing

Tengdar fréttir

Innlent

Vekja at­hygli á því sem gerist bak við luktar dyr slátur­húsa

Innlent

Leggjum á­herslu á hafið, lofts­lags­mál og vist­vænar orku­lausnir

Innlent

Brenndi rusl úr rúmdýnum í Varmadal

Auglýsing

Nýjast

Þúsundir flótta­manna við landa­mæri Mexíkó

Rússar vara Trump við afleiðingunum

Segir Hildi hafa verið kallaða „nettröll“ og „femínistatussu“

Krap á Holtavörðuheiði og hálka fyrir norðan

Hráki leiddi til átaka sem kostuðu 55 lífið

Rúðan í vél Icelandair var krosssprungin

Auglýsing