Fyrrum konungur Belgíu, Albert II, og dóttir hans Delp­hine prinsessa hittust í kastala konungsins í Brussel um helgina eftir margra ára fað­ernis­mál. Í til­kynningu frá Alberti, eigin­konu hans, Paolu, og Delp­hine kemur fram að þau hafi hist á sunnu­daginn og ætluðu sér að byrja nýjan kafla.

„Eftir um­rót, þjáningar og skaða er komin tími fyrir fyrir­gefningu, heilun og sættir,“ segir í til­kynningunni. „Saman höfum við á­kveðið að feta þessa nýju braut. Það mun þurfa þolin­mæði og á­reynslu en við erum á­kveðin.“

Neitaði að veita líf­sýni

Delp­hine hóf mál­­sókn gegn föð­ur sín­um árið 2013, árið sem hann af­sal­að­i kon­ungs­­tign sinn­i, og barðist síðar um ára­bil fyrir að fá fað­ernið stað­fest með líf­sýni. Albert þver­tók ætíð fyrir að vera faðir hennar og neitaði að verða við óskinni.

Í maí á síð­ast­a ári kváð­u dóm­­stól­ar á um að fyrr­um kon­ung­ur­inn mynd­i hljót­a 5000 evra sekt dag­­leg­a fyr­ir að neit­a að taka veita dómnum líf­­sýn­i. Eftir að DNA próf stað­festi fað­ernið gekk fyrrum konungurinn loks við því að Delp­hine væri fjórða barn hans.

Ævi­­sag­a svipti hul­unn­i af laus­a­­leiks­barn­i


Árið 1999 komst sá orð­róm­ur á kreik að Albert hafi eign­ast barn utan hjón­a­bands. Á­­stæð­an var að fjall­að var um það í æv­i­­sög­u Paolu drottn­ing­ar, sem skrif­uð var án henn­ar sam­þykkis. Dag­blöð­in kom­ust fljót­­leg­a á snoð­ir um að um­­rætt barn væri áð­ur­­nefnd Delp­hine, sem hafð­i fæðst árið 1968.

Albert hafð­i áður við­ur­­kennt að kært hafi ver­ið á mill­i hans og móð­ur Delp­hine, bar­ón­ess­unn­ar Sybil­le de Selys Longchamps, þeg­ar hann var prins. Þá hafa feðginin einnig ætíð þótt veru­lega lík.

Lög­mað­ur Delp­hine sagð­i á sínum tíma að líf henn­ar hafi ein­­kennst að mar­trað­a­­kenndr­i leit af upp­­run­a sín­um. Þegar hinn 85 ára gamli Albert viður­kenndi loks fað­ernið hafi þungu fargi verið af henni létt. Sér­stak­lega vegna stað­festingu þess að henn­ar eig­in börn þyrft­u ekki að gang­a í gegn­um svip­að­ar raun­ir.