Innlent

Fundu talsvert magn fíkniefna við húsleit

Lögreglan á Suðurnesjum fann í síðustu viku talsvert magn fíkniefna við húsleit

Lögreglan á Suðurnesjum sinnti ýmsum verkefnum í liðinni viku Mynd/Lögreglustjórinn á Suðurnesjum

Lögreglan á Suðurnesjum fann mikið magn fíkniefna við húsleit í Suðurnesjabæ í síðustu viku. Bæði fannst kókaín og kannabis við leitina auk peninga sem taldir eru vera ágóði fíkniefnasölu sem lögreglu grunar að hafi farið fram í húsnæðinu.

Í öðru ótengdu máli fundu lögreglumenn við hefðbundið eftirlit kannabis í bifreið. Í þriðja málinu fundust einnig kannabisefni heima hjá karlmanni sem lögreglan átti erindi við.

Í fyrrinótt var karlmaður í annarlegu ástandi handtekinn. Hann hafði verið að kýla í leigubifreið fyrir utan skemmtistað í Keflavík og hlýddi ekki fyrirmælum lögreglu þegar hún kom á vettvang.

Bannað er að skjóta upp flugeldum eftir þrettándann

Lögreglan ítrekar í tilkynningu að bannað er að sprengja flugelda frá og með 7. janúar ár hvert. Þar segir að í gær hafi flugeldum verið hent inn í garð hjá íbúa í annað sinn.

Einnig var til þeim tilkynnt um einstakling sem stundaði það að henda flugeldum úr bifreið á ferð. Lögreglan hafði síðar upp á viðkomandi sem viðurkenndi ekki að hafa kastað flugeldunum úr bifreiðinni en sagðist þó ætla að hætta því. Hann var ekki orðinn 18 ára og var því forráðamönnum hans tilkynnt um atvikið. 

Athugasemdir

Auglýsing
Auglýsing

Tengdar fréttir

Innlent

Píratar leggja fram frum­varp um nýja stjórnar­skrá

Innlent

Birtir ræðuna sem ekki mátti flytja á Alþingi

Innlent

„Marxísk“ stefna í heil­brigðis­málum

Auglýsing

Nýjast

Telja tíu af eftir sprengingu í flutninga­skipi á Svarta­hafi

Ísraelar réðust á írönsk skot­mörk í Sýr­landi

Fresta ekki Brexit né halda þjóðar­at­­kvæða­­greiðslu

Vonast til að ná til Julens á morgun

Ræddi tillögur ríkisstjórnarinnar um húsnæðismál

For­sætis­nefnd fékk erindi um mál Ágústs Ólafs

Auglýsing