Fram­sókn tapar fylgi en Við­reisn, Vinstri græn og Sósíal­ista­flokkurinn bæta við sig í nýjum Þjóðar­púlsi Gallup. Stuðningur við ríkis­stjórnina stendur í stað milli mánuða, í 49 prósentum.

Rösk­lega 15 prósent segjast myndu kjósa Fram­sóknar­flokkinn færu kosningar til Al­þings fram í dag, sem eru um tveimur prósentu­stigum færri en í síðustu mælingu. Tæp­lega 9 prósent segjast myndu kjósa Við­reisn og Vinstri græn og ríf­lega 5 prósent myndu kjósa Sósíal­ista­flokkinn.

Fylgi annarra flokka breytist lítið milli mánaða, eða um á bilinu 0 til 1,1 prósentu­stig. Lið­lega 22 prósent segjast myndu kjósa Sjálf­stæðis­flokkinn, 15 prósent Pírata, næstum 14 prósent Sam­fylkinguna, tæp­lega 7 prósent Flokk fólksins og rösk­lega 4 prósent Mið­flokkinn.

Þá segjast rúm­lega 10 prósent myndu skila auðu eða ekki kjósa. 9 prósent taka ekki af­stöðu eða vilja ekki gefa hana upp.

Mynd/Gallup