Fóru fram hjá lokunum og stór­skemmdu bílana sína

Það er yfir­leitt góð og gild á­stæða fyrir því að vegir eru lokaðir, en það kemur þó ekki alltaf í veg fyrir að öku­menn virði þessar lokanir.

Að minnsta kosti tveir öku­menn skammt frá bænum Tra­cy í Kali­forníu hafa stór­skemmt bíla sína síðustu daga eftir að hafa virt lokanir að vettugi.

Vegurinn hafði farið alveg í sundur vegna flóða og rigninga undan­farnar vikur og höfðu yfir­völd komið fyrir stórum skiltum með blikkandi ljósum þar sem stóð að vegurinn væri lokaður. Þá var búið að koma stórum steypu­klumpum fyrir á veginum sem áttu að koma í veg fyrir að öku­menn kæmust fram hjá þeim.

Þótt ó­trú­legt megi virðast urðu engin al­var­leg slys á öku­mönnum þegar þeir óku bif­reiðum sínum ofan í holuna.

CBS Sacra­mento ræddi við íbúa í ná­grenninu og segist einn, Bruce Brot­hers, ekki skilja hvað öku­mönnum gengur til. „Fólk er svo heimskt að ég trúi því ekki.“ Lög­regla hefur einnig hvatt öku­menn til að virða lokanir til að koma í veg fyrir slys.

Hér að neðan má sjá um­fjöllun CBS Sacra­mento.