Fjöldi sjúk­linga sem eru inni­liggjandi á Land­spítala fer fækkandi á milli daga en að því er kemur fram í til­kynningu frá spítalanum eru nú 27 inni­liggjandi með Co­vid, þar af 21 á bráða­legu­deildum þar sem þriðjungur er bólu­settur. Meðal­aldur inn­lagðra er nú 65 ár.

Á gjör­gæslu eru þó enn sex inni­liggjandi og þurfa fimm á öndunar­véla­stuðningi að halda, einum fleiri en í gær. Af þeim sem eru á gjör­gæslu eru fimm bólu­settir og eru fjórir sem þurfa á öndunar­véla­stuðning að halda bólu­settir.

Frá upp­hafi fjórðu bylgju far­aldursins hafa 77 sjúk­lingar þurft að leggjast inn á Land­spítala og er um þriðjungur þeirra óbólu­settur. Tólf hafa þurft að leggjast inn á gjör­gæslu.

Á Co­vid-göngu­deild spítalans eru nú 1.162 í eftir­liti, þar af 223 börn. Fjórir sjúk­lingar eru metnir sem rauðir, sem er fjölgun um þrjá milli daga, og 38 flokkaðir sem gulir og þurfa nánara eftir­lit.

15 starfs­menn eru í ein­angrun með Co­vid, 22 í sótt­kví A og 68 í sótt­kví C.