Hercules flugvél danska flughersins tók rétt í þessu á loft frá Keflavíkurflugvelli áleiðis til Akureyrar. Þetta kemur fram í tilkynningu frá Landhelgisgæslunni. Um borð eru 5 starfsmenn Landhelgisgæslunnar, þar af fjórir kafarar, um 30 björgunarsveitarmenn frá Slysavarnafélaginu Landsbjörg auk starfsmanna frá Rarik og Landsneti.

Vélin flytur einnig búnað björgunarsveitanna, bíl séraðgerðasviðs Landhelgisgæslunnar og rafstrengur til að tengja varðskipið Þór við land á Dalvík. „Landhelgisgæslan óskaði eftir aðstoð frá danska flughernum í morgun og er afar þakklát fyrir hve vel Danir brugðust við beiðninni. Meðfylgjandi myndir voru teknar örfáum mínútum fyrir brottför frá Keflavík,“ kemur fram í tilkynningunni.

Hér fyrir neðan má sjá myndir sem voru teknar rétt fyrir flugtak.

Hér má sjá brot af þeim búnaði sem fer með vélinni.
Mynd/Landhelgisgæslan
Mannskapurinn býr sig undir flugtak.
Mynd/Landhelgisgæslan
Bíll séraðgerðasviðs Landhelgisgæslunnar á leiðinni í vélina.
Mynd/Landhelgisgæslan
Loka handtök fyrir brottför.
Mynd/Landhelgisgæslan
Hercules fer á flug.
Mynd/Landhelgisgæslan