Fjöl­skylda John Snorra Sigur­jóns­sonar í­trekar þakkir sínar til allra þeirra sem tekið hafa þátt í leitinni að þeim John Snorra, Mu­hammad Ali Sadpara og Juan Pablo Mohr á K2. Þetta kemur fram í til­kynningu.

Eins og Frétta­blaðið hefur greint frá hafa pakistönsk yfir­völd á­kveðið að halda grunn­búðum opnum. Leit mun því halda á­fram að þre­menningunum eftir því sem veður og að­stæður leyfa.

„Ég vil í­treka þakkir mínar til allra sem hafa tekið þátt í leitinni að þeim John Snorra, Ali og J Pablo. Leitin er mjög krefjandi og hefur verið stýrt af pakistönskum yfir­völdum og fag­mennska borgara­þjónustu utan­ríkis­ráðu­neytisins hefur verið ó­metan­leg. Þeir fé­lagar eru enn týndir en vonin um krafta­verk lifir. Hjörtu okkar, ást­vina þeirra, slá með þeim.“, segir Lína Móey, eigin­kona John Snorra.

„Það er búið að vera ó­trú­legt að finna þann kraft sem hefur verið í leitinni, bæði af hálfu ís­lenskra, pakistanskra og sí­leskra yfir­valda. Ekki síður hefur sú um­hyggja og sá stuðningur sem fjöldi fólks hefur sýnt okkur styrkt fjöl­skylduna á þessum erfiðu tímum. Hjartans þakkir til ykkar allra.“

Tilkynning fjölskyldunnar í heild sinni:

Enn hefur leitin að þeim John Snorra, Muhammad Ali Sadpara og Juan Pablo Mohr á K2, undir stjórn pakistanskra yfirvalda, ekki borið árangur.

Pakistönsk yfirvöld hafa nú ákveðið að halda grunnbúðum opnum og leit mun halda áfram eftir því sem veður og aðstæður leyfa.

„Ég vil ítreka þakkir mínar til allra sem hafa tekið þátt í leitinni að þeim John Snorra, Ali og J Pablo. Leitin er mjög krefjandi og hefur verið stýrt af pakistönskum yfirvöldum og fagmennska borgaraþjónustu utanríkisráðuneytisins hefur verið ómetanleg. Þeir félagar eru enn týndir en vonin um kraftaverk lifir. Hjörtu okkar, ástvina þeirra, slá með þeim.“, segir Lína Móey, eiginkona John Snorra.

„Það er búið að vera ótrúlegt að finna þann kraft sem hefur verið í leitinni, bæði af hálfu íslenskra, pakistanskra og síleskra yfirvalda. Ekki síður hefur sú umhyggja og sá stuðningur sem fjöldi fólks hefur sýnt okkur styrkt fjölskylduna á þessum erfiðu tímum. Hjartans þakkir til ykkar allra.“