Fjárlög ríkisstjórnar Sjálfstæðisflokks, Vinstri grænna og Framsóknar fyrir næsta vor voru samþykkt á Alþingi seinni partinn í dag. Alls greiddu 32 atkvæði með fjárlögunum, þrír gegn þeim og 21 greiddi ekki atkvæði.

Þriðju og síðustu umræðu um frumvarpið lauk stuttu fyrir hádegi í dag. Inga Sæland, Guðmundur Ingi Kristinsson úr Flokki fólksins og Þorsteinn Sæmundsson úr Miðflokki greiddu atkvæði gegn frumvarpinu.

„Staða rík­is­sjóðs hef­ur í raun aldrei verið betri,“ sagði Bjarni Benediktsson fjármálaráðherra við atkvæðagreiðsluna í dag.

Formenn stjórnarandstöðuflokkanna mótmæltu fjárlögunum. Logi Einarsson úr Samfylkingunni sagði að „alvöru félagshyggjustjórn“ hefði ráðist í þann vanda að huga að misskiptingu í landinu með því að deila gæðunum með öðrum hætti. 

Sigmundur Davíð Gunnlaugsson úr Miðflokki segir að um sé að ræða fjárlög án fyrirheits sem sýni að „þessi ríkisstjórn snýst eingöngu um það sem menn segja en ekki um það sem menn gera“.