Maður sem hlaut 14 ára fangelsis­dóm fyrir mann­dráp fyrr í dag var úr­skurðaður í fimm mánaða gæslu­varð­hald síð­degis í dag. Maðurinn hefur verið frjáls ferða sinna frá því Lands­réttur af­létti varð­haldi hans síðast­liðinn októ­ber. Þetta kemur fram á vef RÚV.

Maðurinn, sem er á sex­tugs­aldri, var dæmdur fyrir að hafa orðið eigin­konu sinni að bana á heimili þeirra í Sand­gerði í mars á síðasta ári.

Upp­­haf­­lega var ekki talið að neitt sak­­næmt hafi átt sér stað við lát konunnar en við nánari at­hugun töldu réttar­­meina­­fræðingar að konan hefði verið myrt. Í krufningar­­skýrslu er dánar­or­­sök talin kyrking og á­kæran byggð á því. Fjórum dögum eftir and­lát konunnar var maðurinn því hand­­tekinn og úr­­­skurðaður í gæslu­varð­hald.

Um miðjan októ­ber úr­­­skurðuðu dóm­kvaddir mats­­menn að mögu­­legt væri að konan hefði látist af á­­fengis- og lyfja­eitrun. Í niður­­­stöðum þeirra kom fram að ekki væri unnt að stað­­festa að kraft­beiting gegn hálsi hafi átt sér stað rétt fyrir and­látið, heldur kynni hún að hafa átt sér stað allt að þremur dögum fyrir það. Í kjöl­farið var manninum sleppt úr gæslu­varð­haldi.

Maðurinn neitaði sök í málinu en aðal­­­með­­ferð fór fram um miðjan nóvember. Fjöldi vitna gaf skýrslu við aðal­­­með­­ferðina, þar á meðal börn brota­þola. Á­­kvörðun um lokun þing­halds var tekin með hags­muni barnanna að leiðar­­ljósi og vegna mynd­efnis sem varpa þurfi á skjái í dóm­­sal, meðal annars um krufningu.

Ekki hefur komið fram hvort dómnum verði á­frýjað til Lands­réttar.