Menningarnótt fór vel fram í alla staði að sögn lögreglu þegar mikill fjöldi gesta lagði leið sína í miðborg Reykjavíkur í gær.

Í dagbók lögreglu í eru bókuð 141 mál frá klukkan 19:00í gærkvöldi og til 05:00 í morgun.

Voru 5 líkamsárasir tilkynntar í nótt, allar minniháttar, og eru þær nú til rannsóknar. Eitt umferðarslys varð og voru höfð afskipti af tveimur ökmönnum grunaða um ölvun við akstur. Átta manns gistu fangaklefa lögreglu í nórr vegna ýmissa brota.

„Lögregla aðstoðaði borgarana á ýmsan máta, mál komu upp er varða ölvun á almannafæri, mál sem snúna að barnaverndarlögum, tilkynningar til barnaverndar vegna ólögráða aðila sem lögregla hafði afskipti af, nokkuð var hellt niður af áfengi hjá ungmennum sem ekki höfðu aldur til að meðhöndla áfengi, fjögur fíkniefnamál eru skráð, nokkrar hávaðakvartanir þegar líða fór á nóttina, eftir kvöldmat fór svo að sjást meiri ölvun hjá fólki og þá byrjuðu pústrar á milli manna og eru skráðar 5 líkamsárásir sem eru til rannsóknar, allar minniháttar,“ segir í dagbók lögreglu.