Fimm bílar rákust saman á Kriglumýrarbraut nú fyrir skömmu. Að sögn slökkivliðsins á höfuðborgarsvæðinu voru bílarnir í röð, það er í sömu akstursstefnu. 

Lögregla, sjúkrabílar og slökkvilið er á vettvangi. Varðstjóri hjá slökkviliðinu segir að á þessari stundu væri ekki búið að flytja neinn á sjúkrahús. „Þetta virkaði minniháttar og það er ekki búið að flytja neinn.“ Hann sagði þó ekki útilokað að það yrði gert.

Varðstjórinn sagði þó að fólk hefði verið í sjokki og hefði verið uppistandandi við bílana, þegar viðbragðsaðila bar að garði. Bílarnir hefðu verið í einni röð og því ekið hver aftan á annan.

Slysið varð við gatnamót Kringlumýrarbrautar og Miklubrautar.