Innlent

Sparaði sér fimm þúsund í gistingu: „Hann sefur enn úti í tjaldi“

Þrír Ísraelsmenn heimsóttu Ólafsvík í gærkvöldi. Tveir þeirra keyptu gistingu en sá þriðji ákvað að sofa úti.

Maðurinn sefur enn í tjaldinu, þegar þetta er skrifað. Rut Einarsdóttir

Það er mikill snjór hérna og helvítis harðindi,“ segir Sigurjón Hilmarsson, gistihúsaeigandi í Ólafssvík. Í gær komu til hans þrír ungir Ísraelsmenn, sem eru á ferðalagi. Tveir þeirra keyptu gistingu en sá þriðji sagðist ætla að sofa í bílnum - litlum bílaleigubíl.

Þegar Sigurjón mætti til vinnu í morgun sá hann að sá sem ætlaði að gista í bílnum hafði tjaldað við hlið bílsins.

Sigurjón brá á það ráð að bjóða manninum inn í morgunmat en hann afþakkaði það. „Hann sefur enn úti í tjaldi,“ segir hann við Fréttablaðið. Eins og sjá má hefur fennt yfir tjaldið að hluta. Nóttin hefur sennilega verið með kaldara móti. Í nótt var tveggja til þriggja gráðu frost og norðanátt á norðanverðu Snæfellsnesi.

Við Hafið Guesthouse er við aðalgötuna í Ólafsvík; Ólafsbraut. Umferð er því allnokkur um götuna en bensínstöð og söluskáli er í næsta húsi. Sigurjón ber að snjóruðningstæki hafi verið á ferli í morgun og næðið því lítið. „Ég man ekki eftir því að það hafi áður verið tjaldað hérna,“ segir hann aðspurður.

Sigurjón er nokkuð undrandi á þessu öllu saman. „Það er hægt að fá svefnpokapláss hjá mér fyrir fimm þúsund kall,“ segir hann. 

Hér er myndin sem Sigurjón tók þegar hann mætti í morgun. Sigurjón Hilmarsson

Athugasemdir

Auglýsing
Auglýsing

Tengdar fréttir

Innlent

Smur­brauð á Jóm­frúnni og í IKEA tvennt ó­líkt

Innlent

Segl­skútu­þjófurinn í far­banni í mánuð

Innlent

Segir gælu­­­dýra­eig­endur lang­­­þreytta á ein­angruninni

Auglýsing

Nýjast

Paul Allen látinn

Ætla að ríkis­sjóður hafi um 35 milljónir af hreppnum

Vilja að lág­marks­laun verði skatt­frjáls

Ekið á gangandi veg­faranda við Ánanaust

Skúturæninginn í far­bann

Venom er hættu­legur floga­veikum

Auglýsing