Fimm­tán ára drengur sem ráfaði inn í flutninga­gám á bryggjunni í Chittagong, næst stærstu borg Bangla­dess, fannst á lífi sex dögum síðar í Malasíu.

Í um­fjöllun India Times kemur fram að pilturinn hafi verið í felu­leik þegar hann fór inn í gáminn og sofnaði.

Drengurinn, Fahim að nafni, fannst í gámnum þann 17. janúar og lék í fyrstu grunur á að hann væri fórnar­lamb mansals.

Malasíski fjöl­miðilinn Bernama hefur eftir Datuk Seri Saifuddin Is­ma­il, innan­ríkis­ráð­herra Malasíu, að Fahim hafi verið einn í gámnum og ekkert bendi til þess að um til­raun til mansals hafi verið að ræða.

Flest bendi til þess að drengurinn hafi ein­fald­lega hafa sofnað í gámnum áður en honum var lokað og fluttur úr landi þann 11. janúar.

Í um­fjöllun India Times kemur fram að drengurinn megi teljast heppinn að vera á lífi enda var hann án matar og drykkjar í allan þennan tíma. Hann var fluttur með sjúkra­bíl á sjúkra­hús og er hann sagður vera á bata­vegi. Verður hann fluttur aftur heim til Chittagong þegar hann hefur heilsu til.