Ei­ríkur Barkar­son, vagn­stjóri hjá Strætó, hyggst kæra mann sem hrækti framan í hann í gær. Þetta kemur fram í sam­tali Eiríks við Vísir.is en maðurinn sem hrækti á hann er samkvæmt Vísi smitaður af HIV og lifrar­bólgu C.

At­vikið átti sér stað klukkan 17:30 í gær þegar þrír menn í annar­legur á­standi komu inn í vagn Ei­ríks sem ók leið 14 og var á Hlemmi.

Að hans sögn ætluðu þeir allir að reyna fá frítt far. Það var hins vegar einn í hópnum sem var með mikil leiðindi og reyndu hinir tveir að draga úr honum. Sá reyndi að ráðast á Ei­rík og þegar vinir hans stöðvuðu hann þá hrækti hann framan í Ei­rík.

Þre­menningarnir fóru af vett­vangi en lög­reglan fann þá hinu megið við hornið á Há­spennu við Hlemm.

Að því er Eiríkur sagði við Vísi sagði lögreglan honum að mennirnir þrír væru allir góðkunningjar lögreglunnar. Þeir væru allir smitaðir af HIV og lifrarbólgu C og þar sem Eiríkur hefði fengið hráka í augað þyrfti hann að fara strax upp á bráðamóttöku í blóðprufu.

Í upphaflegri útgáfu þessarar fréttar var vísað til þess sem fram kom á Vísi að maðurinn sem hrækti á bílstjórann væri smitaður af HIV og lifrarbólgu C. Samkvæmt ábendingum frá aðstoðarmanni landlæknis í kjölfar fréttarinnar þá smitast þessir sjúkdómar ekki með munnvatni heldur blóði.

Hægt er að lesa frá­sögn Ei­ríks á frétta­vef Vísis.