Mælst er til þess að farþegar mæti snemma í flug í í Flugstöð Leifs Eiríkssonar vegna mikils álags. Í tilkynningu frá Isavia kemur fram að þar til loka októbermánaðar, þegar sumartímabili lýkur, megi búast við talsverði álagi á flugvellinum fyrir fyrstu brottfarir að morgni.

Aukið álag á þessum tíma má, samkvæmt tilkynningu, rekja til þess að breyting hefur orðið á dreifingu ferða flugfélaga og hafa ferðir sem áður voru áætlaðar seinna um morguninn verið færðar í þennan fyrsta brottfararhluta dagsins.

Farþegar sem eiga bókað flug milli kl. 07:00 og 09:00 eru hvattir til að mæta að minnsta kosti 2,5 klukkutíma fyrir brottför til að komast hjá aukinni bið í innritun og öryggisleit. Innritun og öryggisleit opnar kl. 04:00 alla morgna á Keflavíkurflugvelli.

Farþegar eru einnig hvattir til að kynna sér þær reglur sem gilda í öryggisleit og hvernig best sé að haga ferð sinni þar í gegn til þess að flýta fyrir.